2019թ.

  1. ԸՆԴՀԱՆՈՒՐ ԴՐՈՒՅԹՆԵՐ
    • «Մեկ Հայաստան» կուսակցությունը Հայաստանի Հանրապետության քաղաքացիների` կամավորության հիմունքներով ձևավորված հասարակական-քաղաքական միավորում է, որը գործում է Հայաստանի Հանրապետության ողջ տարածքում` ՀՀ Սահմանադրությանը, ՀՀ գործող օրենսդրությանը, սույն Կանոնադրությանն ու իր Ծրագրին համապատասխան։
    • Կուսակցության գործունեությունը հիմնված է օրինականության, հրապարակայնության, անդամների իրավահավասարության, անդամության կամավորության, կառավարման կոլեգիալության և ինքնակառավարման սկզբունքների վրա:
    • Կուսակցությունն իրավաբանական անձ է, օգտվում է ՀՀ օրենսդրությամբ ընձեռված բոլոր իրավունքներից և կրում է դրանցով սահմանված պարտականություններ: Կուսակցությունը, նրա տարածքային և կառուցվածքային ստորաբաժանումները գործում են Կուսակցության կանոնադրության հիման վրա և դրան համապատասխան (այսուհետ` Կանոնադրություն):
    • Կուսակցության անվանումն է՝

հայերեն՝ «Մեկ Հայաստան» կուսակցություն (հապավումը՝ ՄՀԿ);

ռուսերեն՝ партия “Одна Армения” (հապավումը՝ ПОА)

անգլերեն՝ “One Armenia” Party (հապավումը՝ OAP)

  • Կուսակցությունն ունի կնիք` հայերեն, ռուսերենև անգլերեն լեզուներով, դրոշմ, պաշտոնաթղթեր, բանկային հաշիվներ, այդ թվում՝ արտարժույթով:
  • Կուսակցության իրավաբանական հասցեն՝ Հայաստանի Հանրապետություն, ք. Երևան, Հանրապետության 52-53:

 

  1. ԿՈՒՍԱԿՑՈՒԹՅԱՆ ՆՊԱՏԱԿՆԵՐՆ ՈՒ ԽՆԴԻՐՆԵՐԸ
    • Կուսակցության նպատակն է ազատական, ազգային արժեհամակարգի, ժողովրդավարական, մրցակցային հասարակության ձևավորման, պետության և պետականության շարունակական զարգացման, անվտանգության սկզբունքների հիման վրա ապահովել Հայաստանի Հանրապետության քաղաքական,  տնտեսական և հոգևոր   զարգացումը:
    • Կուսակցությունն ունի իր նպատակին հասնելու քաղաքական ծրագիր, որից ելնելով, մշակում և իրականացնում է իր գործելակերպը:
    • Կուսակցությունն իր ծրագիրն իրականացնելու նպատակով ընտրությունների միջոցով մասնակցում է ՀՀ պետական իշխանության և տեղական ինքնակառավարման մարմինների կազմավորմանը և դրանց գործունեությանը:
    • Կուսակցությունը գործում է ՀՀ ողջ տարածքում:

 

  1. ԿՈՒՍԱԿՑՈՒԹՅԱՆ ԱՆԴԱՄԸ
  • Կուսակցության անդամ կարող է լինել 18 տարին լրացած Հայաստանի Հանրապետության յուրաքանչյուր քաղաքացի, ինչպես նաև ընտրական իրավունքով օժտված այն անձը, ով ընդունում է կուսակցության ծրագիրն ու կանոնադրությունը և չի հանդիսանում մեկ այլ կուսակցության անդամ:

Կուսակցության անդամ չեն կարող լինել այն անձինք, ովքեր, «Կուսակցությունների մասին» Հայաստանի Հանրապետության Սահմանադրական օրենքի համաձայն, չեն կարող լինել որևէ կուսակցության անդամ:

  • Կուսակցությանն անդամագրվում են.
    • կամավոր հիմունքներով,
    • անհատական կարգով,
    • անձնական դիմումի համաձայն,
    • Կուսակցության Համագումարի որոշմամբ:
  • Կուսակցության անդամը վճարում է անդամավճար, որի չափը և մուծման կարգը սահմանում է Կուսակցության քաղաքական խորհուրդի կողմից:
  • Կուսակցության անդամի իրավունքներն են՝
    • ընտրել և ընտրվել Կուսակցության ու նրա ղեկավար և վերահսկողություն իրականացնող մարմիններում,
    • ներկա լինել Կուսակցության համագումարի նիստերին,
    • ծանոթանալ Կուսակցության մարմինների արձանագրություններին,
    • կուսակցության ղեկավար մարմինների քննարկմանը ներկայացնել հասարակական-քաղաքական կյանքի տարբեր հարցեր վերաբերյալ նախաձեռնություններ և առաջարկւթյուններ,
    • ստանալ Կուսակցության ընդունած որոշումների պատճենները,
    • տեղեկատվություն ստանալ կուսակցության ու նրա ղեկավար մարմինների գործունեության վերաբերյալ,
    • ստանալ փաստաթղթերի պատճեններ` կուսակցության կանոնադրության փոփոխությունների, գույքի կառավարումից ստացած դրամական միջոցների վերաբերյալ, ինչպես նաև ստանալ կուսակցության ֆինանսական հաշվետվությունների աուդիտն իրականացրած անկախ աուդիտորի եզրակացությունը,
    • բողոքարկել Կուսակցության մարմինների որոշումներն ու գործողությունները,
    • կամովին դադարեցնել, կասեցնել կամ վերականգնել անդամակցությունը,
    • ՀՀ օրենսդրությամբ և սույն կանոնադրությամբ սահմանված այլ իրավունքներ:
  • Կուսակցության անդամի պարտականություններն են՝
    • գործել Կուսակցության կանոնադրության շրջանակներում,
    • կատարել Կուսակցության Համագումարի, ղեկավար մարմինների որոշումները և ծրագրային դրույթները,
    • մասնակցել Կուսակցության նշանակած ժողովներին և միջոցառումներին,
    • ՀՀ օրենսդրությամբ և սույն կանոնադրությամբ սահմանված այլ պարտականություններ:
  • Կուսակցության անդամության դադարեցման դիմումն ընդունում է Կուսակցության քաղաքական խորհուրդը, որի վերաբերյալ տվյալ խորհուրդն ընդունում է համապատասխան որոշում: Կուսակցության անդամության կասեցման, դադարեցման նշված հիմքերի առկայության դեպքում Կուսակցության քաղաքական խորհուրդը ընդունում է որոշում՝ Կուսակցությունից անդամի հեռացման կամ Կուսակցության անդամակցության դադարեցման մասին:
  • Կուսակցության անդամակցության դադարման հիմքերն են՝
    • դիմումի համաձայն՝ կուսակցությունից դուրս գալու դեպքում.
    • Կուսակցությունից հեռացվելու դեպքում,
    • մահվան դեպքում,
    • Կուսակցության լուծարման դեպքում,
    • Հայաստանի Հանրապետության քաղաքացիության կորստի դեպքում,
    • Հայաստանի Հանրապետության Սահմանադրությամբ, «Կուսակցությունների մասին», այլ օրենքներով և սույն Կանոնադրությունով նախատեսված այլ դեպքերում:
  • Կուսակցության անդամը կարող է պարգևատրվել՝
    • շնորհակալագրով,
    • պատվոգրով,
    • հուշամեդալով, հուշանվերով կամ դրամական պարգևով,
    • կարգապահական տույժի հանումով:
  • Կուսակցության անդամը իր պարտականությունների չկատարման, թերացումների, կուսակցական կարգապահական դրույթների զանց առնման, Կուսակցության վերադաս մարմինների որոշումները չկատարելու համար կարող է ենթարկվել կարգապահական պատասխանատվության: Կուսակցության անդամներին կարգապահական պատասխանատվության կարող է ենթարկել Կուսակցության քաղաքական խորհուրդը: Կարգապահական պատասխանատվությունը կարող է լինել․
    • Նկատողություն,
    • Խիստ նկատողություն,
    • Կուսակցությունից հեռացում:

 

  1. ԿՈՒՍԱԿՑՈՒԹՅԱՆ ԿԱՌՈՒՑՎԱԾՔԸ
    • Կուսակցության կառուցվածքը հաստատվում է համագումարում:
    • Կուսակցության կառուցվածքային մարմիններն են.
      • Համագումարը,
      • Կուսակցության քաղաքական խորհուրդը
      • Կուսակցության նախագահը
      • Կուսակցության գլխավոր քարտուղարությունը,
      • Կուսակցության Վերահսկող հանձնաժողովը
    • Կուսակցությունը կարող է ունենալ հանձաժողովներ, ինչպես նաև տարածքային ստորաբաժանումներ, որոնք ստեղծվում են ՀՀ մարզերում և Երևան քաղաքի վարչական շրջաններում:
    • ՀՀ տարածքից դուրս Կուսակցությունը կարող է ունենալ ներկայացուցչություններ:
    • Տարածքային ստորաբաժանումները ստեղծվում և լուծարվում են Կուսակցության Քաղաքական խորհուրդի որոշմամբ:

 

  1. ԿՈՒՍԱԿՑՈՒԹՅԱՆ ՀԱՄԱԳՈՒՄԱՐԸ
    • Համագումարը Կուսակցության բարձրագույն մարմինն է:
    • Համագումարին է վերապահվում Կուսակցության կառավարման և գործունեության ցանկացած հարցի վերջնական լուծման վերաբերյալ որոշում ընդունելու իրավունքը։
    • Համագումարը կարող է լինել հերթական կամ արտահերթ։ Հերթական Համագումարը հրավիրվում է 4 տարին մեկ անգամ Կուսակցության քաղաքական խորհրդի որոշմամբ։ Արտահերթ Համագումար հրավիրվում է Կուսակցության քաղաքական խորհրդի, Կուսակցության նախագահի և/կամ Կուսակցության քաղաքական խորհրդի անդամների 2/3-ի նախաձեռնությամբ: Հերթական Համագումարի հրավիրման և օրակարգի մասին Կուսակցության անդամներին հայտնվում է ոչ ուշ քան 14 օր առաջ, իսկ արտահերթ Համագումարի դեպքում` ոչ ուշ, քան 7 օր առաջ: Համագումարի կազմակերպչական հարցերը ապահովվում են Կուսակցության գլխավոր քարտուղարության կողմից:
    • Կուսակցության համագումարն իրավազոր է, եթե ներկա են համագումարի պատվիրակների ընդհանուր թվի առնվազն կեսը, բայց ոչ պակաս, քան 100 պատվիրակ:
    • Կուսակցության համագումարի և մնացած մարմինների ընդհանուր ժողովների որոշումներն ընդունվում են մասնակիցների ձայների պարզ մեծամասնությամբ:
    • Համագումարը`
      • քննարկում է Կուսակցության ծրագրին, Կանոնադրությանն առաջարկվող փոփոխություններն ու լրացումները,
      • հաստատում է Կուսակցության Կանոնադրությունը, դրանում կատարված փոփոխությունները և լրացումները,
      • ընդունում է Կուսակցության ծրագիրը, նրան կից փաստաթղթերը,
      • հաստատում է Կուսակցության նախագահի հաշվետվությունը՝ Կուսակցության գործունեության մասին,
      • իրականացնում է ղեկավար և վերահսկողություն իրականացնող մարմինների կազմավորումը.
      • ընտրում է Կուսակցության նախագահին,
      • ընտրում է մշտապես գործող ղեկավար մարմնի ղեկավարին,
      • հաստատում է Վերահսկիչ հանձնաժողովի կազմավորման ձևը և կարգը, անդամների թիվը և կառուցվածքը,
      • ընտրում է Վերահսկիչ հանձնաժողովի անդամներին,
      • հաստատում է Կուսակցության Վերահսկիչ հանձնաժողովի հաշվետվությունը,
      • որոշում է ընդունում Կուսակցության վերակազմակերպման և (կամ) լուծարման մասին:
    • Եթե Կուսակցության լուծարման համար հրավիրված Համագումարն իրավազոր չէ, ապա Կուսակցության լուծարման մասին որոշումն ընդունում է Կուսակցության մշտապես գործող ղեկավար մարմինը` Քաղաքական խորհուրդը: Իսկ Կուսակցության մշտապես գործող ղեկավար մարմնի իրավազոր չլինելու դեպքում Կուսակցությունը լուծարվում է՝ Կուսակցության հիմնադիրներից մեկի որոշմամբ:

 

  1. ԿՈՒՍԱԿՑՈՒԹՅԱՆ ՔԱՂԱՔԱԿԱՆ ԽՈՐՀՈՒՐԴԸ
    • Քաղաքական խորհուրդը Կուսակցության ներկայացուցչական գլխավոր և մշտապես գործող գործադիր (ղեկավար) մարմինն է: Քաղաքական խորհուրդը կազմված է առնվազն 10 անդամներից:
    • Կուսակցության քաղաքական խորհրդի կազմում ի պաշտոնե ընդգրկվում են Կուսակցության նախագահը և Կուսակցության համագումարի կողմից  ձայների մեծամասնությամբ ընտրված  Կուսակցության անդամները:
    • Կուսակցության քաղաքական խորհրդի անդամներն ընտրվում են Համագումարի կողմից չորս տարի ժամկետով՝ փակ քվեարկությամբ: Ընտրված են համարվում Համագումարի ընտրված պատվիրակների ընդհանուր թվի ձայների մեծամասնությունը ստացած թեկնածուները:
    • Քաղաքական խորհուրդը նախագահում է Կուսակցության նախագահը, իսկ վերջինիս բացակայության դեպքում՝ Կուսակցության քաղաքական խորհրդի անդամներից մեկը՝ Կուսակցության նախագահի որոշմամբ.
    • Կուսակցության Քաղաքական Խորհուրդը՝
      • հաստատում է կուսակցության տարեկան բյուջեն
      • հաստատված տարեկան բյուջեի հիման վրա հաստատում է կուսակցության ծախսերի նախահաշիվը.
      • կուսակցության անունից կնքում է քաղաքացիաիրավական գործարքներ.
      • որոշում է կայացնում կուսակցության լուծարման մասին, եթե համագումարն իրավազոր չի եղել.
      • իրականացնում է օրենքով և կանոնադրությամբ վերապահված այլ իրավունքներ։
      • Կուսակցության նախագահի առաջարկությամբ՝ հաստատում է Կուսակցության ռազմավարությունը, ընդունում է գործողությունների ծրագրեր, 
      • Կուսակցության անունից անում է հայտարարություններ,
      • Կուսակցության նախագահի առաջարկությամբ՝ հաստատում է Ազգային Ժողովում Կուսակցության խմբակցության գործունեության հիմնական ուղղությունները,
      • Կուսակցության նախագահի առաջարկությամբ՝ հաստատում է Կուսակցության նախընտրական ծրագիրը, Ազգային Ժողովի պատգամավորության և կառավարությունում քաղաքական պաշտոններում նշանակման կամ ընտրության ներկայացվող Կուսակցության թեկնածուներին,
      • Կուսակցության նախագահի առաջարկությամբ՝ հաստատում է համապետական և տարածքային ընտրական ցուցակները,
      • որոշում է կայացնում Ազգային Ժողովի ընտրություններին, տեղական ինքնակառավարման մարմինների, ավագանիների ընտրություններին՝ դաշինքով մասնակցելու մասին կամ այլ ուժերի հետ դաշինք ստեղծելու մասին,
      • Կուսակցության նախագահի առաջարկությամբ՝ որոշում է կայացնում Քաղաքական խորհուրդը Կուսակցության այլ անդամներով համալրելու մասին, որը կայացվում է ձայների պարզ մեծամասնությամբ՝ փակ քվեարկությունով,
      • որոշում է կայացնում այլ պետությունների քաղաքական կուսակցությունների հետ համագործակցելու, միջազգային միություններին անդամագրվելու մասին,
      • որոշում է ընդունում դիմել Համագումարին Կուսակցության Նախագահի հետկանչի պահանջով, Քաղաքական խորհրդի անդամների կողմից կայացրած որոշման հիման վրա, որին կողմ են քվեարկել Քաղաքական խորհրդի անդամների առնվազն 4/5-րդը,
      • կարող է հանդես գալ Կուսակցության վերակազմակերպման և (կամ) լուծարման նախաձեռնությամբ,
      • ստեղծում և լուծարում է Կուսակցության հանձաժողովներ, տարածքային ստորաբաժանումներ,
      • լսում և հաստատում է Կուսակցության տարածքային ստորաբաժանումների հաշվետվությունները:
    • Կուսակցության Քաղաքական խորհուրդն իր գործունեությունն իրականացնում է նիստերի հրավիրման, որոշումների ընդունման, դրանց և Համագումարի որոշումների կատարման միջոցով:
    • Քաղաքական խորհրդի նիստ է հրավիրվում Կուսակցության Նախագահի կամ Քաղաքական խորհրդի անդամների 2/3-ի նախաձեռնությամբ, առնվազն վեց ամիսը մեկ անգամ: Քաղաքական խորհրդի արտահերթ նիստ կարող է հրավիրվել Կուսակցության Նախագահի կամ Քաղաքական խորհրդի անդամների 2/3-ի նախաձեռնությամբ: Նիստի քվորումն առկա է, եթե նիստին ներկա են անդամների թվի կեսից ավելին: Որոշումներն ընդունվում են Քաղաքական խորհրդի անդամների ընդհանուր ձայների թվի պարզ մեծամասնությամբ, բաց քվեարկությամբ: Ձայների հավասարության դեպքում Կուսակցության նախագահի ձայնը վճռորոշ է:
    • Կուսակցության քաղաքական խորհրդի նիստերը իրավազոր են, եթե մասնակցում են անդամների կեսից ավելին: Կուսակցության նախագահը ի պաշտոնե հանդիսանում է Քաղաքական խորհրդի նախագահ:
    • Քաղաքական խորհուրդը հաշվետու է Համագումարին:

 

  1. ԿՈՒՍԱԿՑՈՒԹՅԱՆ ՆԱԽԱԳԱՀԸ
    • Կուսակցության նախագահն ընտրվում է Կուսակցության Համագումարի պատվիրակների կողմից, ձայների մեծամասնությամբ, չորս տարի ժամկետով, փակ քվեարկությամբ:
    • Կուսակցության Նախագահի հետկանչի իրավունք ունի միայն Կուսակցության Համագումարը Կուսակցության Քաղաքական խորհրդի անդամների կողմից կայացրած որոշման հիման վրա, որին կողմ են քվեարկել Կուսակցության Քաղաքական խորհրդի անդամների առնվազն 4/5-րդը:
    • Կուսակցության նախագահը`
      • իրականացնում է Կուսակցության ընդհանուր ղեկավարումը,
      • ի պաշտոնե Կուսակցության Քաղաքական խորհուրդի նախագահն է (մշտապես գործող ղեկավար մարմնի ղեկավար),
      • Հրավիրում և նախագահում է Կուսակցության քաղաքական խորհրդի նիստերը, ստորագրում որոշումները և նիստերի արձանագրությունները,
      • Ներկայացնում է Կուսակցությունը և առանց լիազորագրի հանդես է գալիս Կուսակցության անունից,
      • հրավիրում է արտահերթ Համագումար, Քաղաքական խորհրդի արտահերթ նիստեր,
      • Ապահովում և վերահսկում է Համագումարի և Քաղաքական խորհրդի որոշումների կատարումը,
      • Իր իրավասության սահմաններում որոշումներ է կայացնում Կուսակցության գործունեության ընթացիկ հարցերի վերաբերյալ և ստորագրում է հրամաններ, կարգադրություններ և անհրաժեշտ այլ փաստաթղթեր, Կուսակցության անունից ստորագրում է պայմանագրեր և համաձայնագրեր,
      • Համագումարին ներկայացնում է Քաղաքական խորհուրդի հաստատած քաղաքական զեկուցումը,
      • Հաշվետվություն է ներկայացնում Համագումարում` Քաղաքական խորհուրդի կատարած գործունեության վերաբերյալ,
      • Օրենքով և սույն Կանոնադրությամբ սահմանված կարգով տնօրինում է Կուսակցության գույքը և միջոցները,
      • Քաղաքական խորհրդի հաստատմանն է ներկայացնում Կուսակցության աշխատողների հաստիքացուցակը և դրույքաչափերը,
      • Քաղաքական խորհրդի հաստատմանն է ներկայացնում առաջարկություն՝ Կուսակցության Քաղաքական խորհուրդը Կուսակցության այլ անդամներով համալրելու վերաբերյալ,
      • Ձևավորում է Կուսակցության Գլխավոր քարտուղարությունը,
      • Ընտրում է Կուսակցության Գլխավոր քարտուղարության տնօրեն,
      • Քաղաքական խորհրդի քննարկմանն ու հաստատմանն է ներկայացնում Կուսակցության տարեկան բյուջեն,
      • Քաղաքական խորհրդի հաստատմանն է ներկայացնում դրամական ծախսերի նախահաշիվները,
      • Կայացնում է որոշումներ` Կուսակցության մարմինների կողմից Կանոնադրությամբ սահմանված իրենց լիազորությունները չկատարման դեպքում՝ Կուսակցության անխափան գործունեությունն ապահովելու համար,
      • Իրականացնում է սույն Կանոնադրությամբ և Կուսակցության Համագումարի կողմից իրեն վերապահված այլ լիազորություններ:
    • Կուսակցության նախագահի բացակայության ընթացքում նրա պարտականությունները կատարում է Կուսակցության Քաղաքական խորհուրդի անդամներից մեկը՝ Կուսակցության նախագահի որոշմամբ:

 

  1. ԿՈՒՍԱԿՑՈՒԹՅԱՆ ԳԼԽԱՎՈՐ ՔԱՐՏՈՒՂԱՐՈՒԹՅՈՒՆԸ
    • Կուսակցության գլխավոր քատուղարությունն իրականացնում է Կուսակցության գործավարության, կազմակերպչական, տեխնիկական ապահովման և տեխնիկական սպասարկման գործառույթները:
    • Կուսակցության գլխավոր քարտուղարությունը ձևավորվում է Կուսակցության նախագահի կողմից և գտնվում է վերջինիս ենթակայության ներքո:
    • Կուսակցության գլխավոր քարտուղարությունը՝
      • ապահովում է Կուսակցության փաստաթղթաշրջանառությունը,
      • իրականացնում է դիմումների և այլ փաստաթղթերի ընդունում, մուտքագրում, ելքագրում, հասցեագրում և վերահասցեագրում,
      • իրականացնում է փաստաթղթաշրջանառության նկատմամբ վերահսկողություն,
      • իրականացնում է Կուսակցության տեղեկատվության հավաքագրում և տրամադրում,
      • աշխատանքի է ընդունում և աշխատանքից ազատում է Կուսակցության հաստիքային աշխատողներին,
      • այլ գործառույթներ, որոնք արգելված չեն օրենսդրորեն կամ սույն Կանոնադրությամբ:
  1. ԿՈՒՍԱԿՑՈՒԹՅԱՆ ՎԵՐԱՀՍԿՈՂ ՀԱՆՁՆԱԺՈՂՈՎԸ
    • Կուսակցության գործունեության վերահսկման նպատակով Համագումարի կողմից չորս տարի ժամկետով ընտրվում է վերահսկիչ հանձնաժողովը:
    • Վերահսկիչ հանձնաժողովը հաշվետու է Կուսակցության Համագումարին:
    • Վերահսկող հանձնաժողովը վերահսկում է`
      • Կուսակցության դրամական միջոցների ձևավորման և ծախսման գործընթացները,
      • Կուսակցության անդամների գործունեության համապատասխանությունը Կուսակցության քաղաքական և գաղափարական գծին,
      • հետազոտական կենտրոնի, Կուսակցության մասնագիտացված հանձնաժողովների գործունեությունը,
      • Կուսակցության գույքի տնօրինման, տիրապետման և օգտագործման գործընթացները,
      • կատարում այլ գործառույթներ, որոնք հանձնարարվում են Կուսակցության Համագումարի կողմից:
    • Վերահսկող հանձնաժողովի անդամը չի կարող լինել Կուսակցության ղեկավար որևէ մարմնի անդամ:
    • Վերահսկող հանձնաժողովն իր կազմից ընտրում է հանձնաժողովի նախագահ, որը համակարգում է Վերահսկող հանձնաժողովի աշխատանքները:
    • Վերահսկող հանձնաժողովի անդամները կարող են խորհրդակցական ձայնի իրավունքով մասնակցել Կուսակցության քաղաքական խորհուրդի նիստերին։
    • Վերահսկող հանձնաժողովի նիստերը հրավիրվում են ըստ անհրաժեշտության, բայց ոչ պակաս, քան տարին երկու անգամ` հանձնաժողովի նախագահի կողմից: Վերահսկող հանձնաժողովի արտահերթ նիստ հրավիրում է հանձնաժողովի նախագահը` իր նախաձեռնությամբ կամ Վերահսկող հանձնաժողովի և Ժողովի որևէ անդամի պահանջով:
    • Վերահսկող հանձնաժողովի նիստերը կայանում են նրա անդամների 2/3-ի մասնակցությամբ, որոշումներն ընդունվում են նիստի մասնակիցների ձայների պարզ մեծամասնությամբ: Յուրաքանչյուր նիստում կազմվում է արձանագրություն` հանձնաժողովի նախագահի ստորագրությամբ:
    • Վերահսկող հանձնաժողովը գործում է իր լիազորությունների շրջանակներում իր կողմից հաստատած կանոնակարգով, եթե այլ բան չի սահմանվել Համագումարի կողմից։

 

  1. ԿՈՒՍԱԿՑՈՒԹՅԱՆ ՍԵՓԱԿԱՆՈՒԹՅՈՒՆԸ ԵՎ ԴՐԱՄԱԿԱՆ ՄԻՋՈՑՆԵՐԸ
    • Կուսակցությանը սեփականության իրավունքով պատկանող անշարժ և շարժական գույքի, ոչ նյութական ակտիվների ու դրամական միջոցների ձեռքբերման աղբյուրներ կարող են լինել օրենքով սահմանված կարգով կատարված նվիրատվությունները, կուսակցական անդամավճարները, օրենքով նախատեսված կարգով բյուջետային ֆինանսավորումը, օրենքով սահմանված կարգով իրականացված գործունեությունից և օրենքով չարգելվող այլ աղբյուրներից ստացված եկամուտները։
    • Կուսակցության հիմնադիրների և անդամների` սեփականության իրավունքով Կուսակցությանը հանձնած, ինչպես նաև այլ աղբյուրներից ստացված գույքը Կուսակցության սեփականությունն է։
    • Կուսակցության հիմնադիրները և անդամները Կուսակցությանը որպես սեփականություն հանձնած գույքի (ներառյալ անդամավճարների) նկատմամբ իրավունքներ չունեն։ Նրանք պատասխանատու չեն Կուսակցության պարտավորությունների, իսկ Կուսակցությունը` իր հիմնադիրների և անդամների պարտավորությունների համար։
    • Կուսակցության գույքը և դրամական միջոցները տնօրինում է Կուսակցության Նախագահը:
    • Կուuակցության տարածքային և կառուցվածքային uտորաբաժանումները Կուսակցության կողմից իրենց հատկացված գույքը տիրապետում և oգտագործում են Կուսակցության Քաղաքական խորհրդի կողմից նախատեuված uահմաններում ու կարգով:

 

  1. ԿՈՒՍԱԿՑՈՒԹՅԱՆ ՎԵՐԱԿԱԶՄԱԿԵՐՊՄԱՆ ԵՎ ԼՈՒԾԱՐՄԱՆ ԿԱՐԳԸ
    • Կուսակցության վերակազմակերպումը և (կամ) լուծարումը կարող է կատարվել Կուսակցության Համագումարի որոշմամբ Հայաստանի Հանրապետության օրենսդրությամբ և սույն Կանոնադրությամբ սահմանված կարգով: Կուսակցությունը կարող է վերակազմակերպվել (միաձուլվել, միանալ, բաժանվել, առանձնանալ) մեկ այլ կուսակցության (կուսակցությունների):
    • Կուսակցության վերակազմակերպման և (կամ) լուծարման նախաձեռնությամբ կարող է հանդես գալ Կուսակցության Քաղաքական խորհուրդը կամ Կուսակցության Համագումարի պատվիրակների առնվազն 2/3-ը՝ գրավոր պահանջով:
    • Կուսակցության վերակազմակերպման և (կամ) լուծարման մասին որոշումն ընդունվում է Կուսակցության Համագումարի ընտրված պատվիրակների ընդհանուր թվի ձայների մեծամասնությամբ, բաց քվեարկությամբ:
    • Կուսակցության լուծարման դեպքում պարտատերերի պահանջները բավարարելուց հետո մնացած գույքն ուղղվում է Կուսակցության Կանոնադրությամբ նախատեսված պահանջներին, իսկ դրա անհնարինության դեպքում փոխանցվում է պետական բյուջե:
    • Եթե Կուսակցության լուծարման համար հրավիրված Համագումարն իրավազոր չէ, ապա Կուսակցության լուծարման մասին որոշումն ընդունում է Քաղաքական խորհուրդը: Իսկ Կուսակցության Քաղաքական խորհուրդի իրավազոր չլինելու դեպքում Կուսակցությունը լուծարվում է Կուսակցության հիմնադիրներից մեկի որոշմամբ: Այս դեպքում Կուսակցության լուծարման մասին որոշումը համարվում է ընդունված, եթե որոշումը կայացնելու օրվանից հետո` երեք ամսվա ընթացքում, Կուսակցության Համագումարը կամ Քաղաքական խորհուրդը այլ որոշում չի կայացրել:
    • Եթե Հայաստանի Հանրապետության սահմանադրական դատարանի որոշմամբ արգելվել է Կուսակցության գործունեությունը, ապա Կուսակցության նկատմամբ սկսվում է լուծարման գործընթաց։ Այս դեպքում լուծարային հանձնաժողովի իրավասություններն իրականացնում է Վերահսկիչ-վերստուգիչ ծառայության կողմից ստեղծված հանձնաժողովը։
    • Սույն Կանոնադրությամբ չկարգավորված հարցերը կարգավորվում են Հայաստանի Հանրապետության օրենսդրությամբ: